HOL BYGDEMUSEUM 1/7-16/8 tirs-søn kl 11-16

Hol Bygdemuseum ligg på Hagafoss, ved Hol hovudkyrkje.  Muséet er bygd opp som ein gamal holingsgard, mest fra 1700- og 1800-talet.  Her er 3 stugu, 2 av dei er rosemåla (av Kitil Rygg og av Kristen Ånstad).  Medrekna støl og husmannsplass er det til saman 17 gamle bygninger her.  I tillegg er det utstillingsbygning med m.a. mykje rosemåling og bygdedrakter. 

Hol Bygdemuseum har ogso ein del hus andre stader i kommunen. 

Skulestugu i Nord-Hovet, bygd i åra 1880 - 1882, brukt til 1948.

Dokken i Sudndalen

Hol kommune overtok Dokken i Sudndalen i 1959. 

Her står dei gamle husa (7 stk. + oppattbygd smiu) på same staden som dei vart bygde i åra 1795 - 1798.

Gamlekyrkja i Hol 1/7-15/8 tirs-søn kl 11-16

Kyrkja har vorte utvida og ombygd fleire gonger.  Det var opphavleg ei lita stavkyrkje, trulig bygd på 1200-talet.  Kyrkja vart utvida med ein tømra del, visstnok på 1500-talet.  I 1697 vart ho bygd om og utvida på nytt.  Samstundes fekk kyrkja vindauge.  den tredje og største ombygginga var i 1798 - 99.  Mykje vart endra, og kyrkja vart utvida,  ho fekk då den forma ho har no, og ho vart bordkledd både utanpå og inni.

Tett nedafor kyrkja står 2 hus:  

Tingstugu bygd rundt 1815.  Her kunne kyrkjeålmugen gå inn for å verme seg før og etter messa, og her dansa ungdomane når det var brurevigsle. 

Prestestugu bygd i 1844.  Her budde presten på embetsreisene til Hol, Hol var anneks til Ål hovudsokn fram til 1870.